.png)
Մարտի 1-ը Մեծ Պահքի տասնիներորդ օրն է:
Աստվածաշնչյան օրվա ընթերցվածքներից են Եսայի մարգարեության 42-րդ գլխի 1-8 համարները:
Յակոբն իմ ծառան է. օգնական պիտի լինեմ նրան։ Իմ ընտրեալն է Իսրայէլը, որը հաճելի եղաւ իմ հոգուն։ Իմ շունչը կը տարածեմ նրա վրայ, և նա հեթանոսների դատաստանը կը տեսնի։ Նա չի աղաղակելու և չի վիճելու, ոչ ոք դրսում նրա ձայնը չի լսելու, անգամ ջախջախուած եղէգը նա չի ջարդելու և առկայծող պատրոյգը չի մարելու, այլ արդարութեամբ դատաստան է տեսնելու։ Նա պիտի ծագի և չպիտի խորտակուի, քանի դեռ երկրի վրայ չի հաստատել դատաստանը. և հեթանոսները իրենց յոյսը պիտի դնեն նրա անուան վրայ։
Այսպէս է ասում Տէր Աստուած, որ ստեղծեց երկինքը և կանգնեցրեց այն, հաստատեց երկիրն ու ամէն բան, ինչ կայ նրա վրայ, շունչ տուեց այնտեղ գտնուող մարդկանց, հոգի՝ բոլոր նրանց, ովքեր ոտք են դնում երկրի վրայ. «Ես՝ Տէր Աստուածս, արդարութեամբ կանչեցի քեզ, բռնեցի քո աջ ձեռքից և զօրաւոր դարձրի քեզ, իբրև ուխտ տուեցի քեզ ժողովրդին և իբրև լոյս՝ հեթանոսներին, որպէսզի կոյրերի աչքերը բանաս և խաւարի մէջ նստած կալանաւորներին հանես բանտից ու զնդանից։
Ես եմ Տէր Աստուածը, սա է իմ անունը, իմ փառքը ուրիշին չեմ տայ, ոչ էլ իմ քաջութիւնը՝ կուռքերին»: