Աշխարհում հայտնի են շատ այնպիկսի դեպքեր, երբ տերերը իրենց շներին դուրս են հանել տնից՝ չկարողանալով նրան կերակրել, պայմաններ չունենալու պատճառով կամ ուղղակի տերերը մահանում են, իսկ շները մնում են անտեր: Սակայն շարունակում են հավատարմորեն սպասել նրանց՝ հույս ունենալով, որ տերերը նորից կվերադառնան ու կվերցնեն նորից տուն:Ահա ևս այդպիսի դեպք Ուկրաինայի Չերկասսի քաղաքում: Այստեղ հավատարիմ շունը ապրում է ավտոբուսային կանգառում: Նրան հինգ տարի առաջ թողել է տերը այդ նույն տեղում, և այժմ շունը հրաժարվում է նույնիսկ մի քայլով հեռանալ կանգառից՝ հույս ունենալով մի օր կանգառում տեսնել նրան, ում սպասում է հինգ տարի:
Բարեսիրտ մարդիկ փորձում են կերակրել հավատարիմ շանը, տաք շորեր դնել, որպեսզի նա չսառչի -17° սառնամանիքի պայմաններում: Մարդիկ նաև փորձում են տուն տանել նրան, սակայն նրանց ջանքերը ապարդյուն են: